ISLAMIC FIZA

Mayyat ke ahkaam 3

⚀

    ▁▁▁▂▂▂▃▃▄▄⚀▄▄▃▃▂▂▂▁▁▁
       вɪѕмɪʟʟαнɪʀʀαнмαռɪʀʀαнɪм
              ▔▔▔▔▔▔▔▔▔▔▔▔▔▔▔▔

           ⚀Mαγγαт Ke αнкααm⚀
           ▔▔▔▔▔▔▔▔▔▔▔▔▔▔▔▔▔▔

⊙ PART -03 ⊙
▔▔▔▔▔▔▔▔▔▔▔▔

 Qabr me rakh dene ke baad fir moonh khol kar dikhana jaa'iz nahi.

 Mayyat ko Lahad me utaarne ke baad mitti ki 3 mutthiya dalna mustahab he.

Pehli mutthi dalte waqt " Minha Khalaqna kum "

Doosri mutthi dalte waqt" va feeha nu'idukum"

Teesri mutthi dalte waqt," va minha nukhriju kum taaratan ukhra, " padna mustahab he.

Qabr per azaan kehna Bid'at he, ye Salfe Saleheen,Aaimma se sabit nahi, Albatta dafnane ke baad kuchh der ke liye Qabr per theharna, Mayyat ke liye DUA astagfar karna Sunnat se sabit he.

 EK AHAM MASLA

Murde ka sirf moonh Qibla rukh kar dena kaafi nahi he, Hamare yaha Qabre Sapaat banayi jati hai, or Murde ko chit litakar uska moonh Qibla rukh kar diya jata he.

 FUQHA E HANAFI ka maslak ye he ke murde ka poora rukh Qibla ki taraf hona chahiye, or Qabre Sapaat banane ke bajaye esi banana chahiye ki murde ka rukh Qibla ho jaye.

Agar Qabr Sapaat ho to murde ko karwat ke bal litakar peeth ki taraf diwaar ke saath mitti ka Sahara de diya jaye, taki rukh Qibla ho jaye.

       Reference:
                         Aapke Masail aur
                                unka Hal-3.

     (pαʀт ⇨04)
            Nεxт тimε insнα αllααн

━═─────────────────═━

Mayyat ke ahkaam 2

⚀

⊙ PART -02 ⊙
▔▔▔▔▔▔▔▔▔▔▔▔

 Kafan per Qurane Kareem ki aayat ya koi muqaddas naam likhna jaa'iz nahi isse behurmati hoti he.

 Kafan pehnane se pehle kafan ko loban ki dhooni dena masnoon he.

 Mayyat ke Sar, Dadi or poore badan per khushbu lagana, Aaza e sazda (Peshani, naak, do no haath, dono ghutne or dono kadmo ) per kafoor lagana mustahab he.

 Murda Aurat ke pero me mehndi lagana jaa'iz nahi.

 Mayyat ke bare me Aurto ki Toham parasti↴↴↴↴↴

✖Mayyat ko idhar udhar nahi karna chahiye, agar saans ho to murda cheer faad de.

✖ Murda Aurat ki Ankho'n me kajal or pero me mehndi lagana.

✖Taveez wali Aurto'n ko maut wale ghar me nahi Jana chahiye, murde ki rooh chimat jati he.

✖Murda shohar ka Mehar maaf karana,

✖ Murda ya zinda Aulado'n ka doodh bakhshwana

 Ye sab Aurto'n ki Toham parasti he, Jo kisi bhi tarah sahi nahi, mangadant Rasme hai, inse bachna or bachana chahiye,

 Janaze ko 40 kadam uthana mustahab he, pehle Daye kandhe per agli janib 10 kadam, fir pichhli janib 10 kadam,

Fir Baaye kandhe per agli janib 10 kadam fir pichhli janib 10 kadam chalna mustahab he.

 Jab hamare kareeb se koi janaza guzre to khada ho Jana behtar he.

 Bivi ke marne ke baad shohar ka bivi se nikah toot jata he, isliye wo chehra to dekh sakta he lekin haath nahi laga sakta.

Napaaki ki halat me janaze ko kandha dena makrooh he.

 Dafnane ke waqt Chand Galat Rasmiyat.


✖Ghar se mayyat le jate waqt murde ke saath khana ya anaaz vagera le Jana, iski shariyat me koi asal nahi, murde ko toshe ki kya zaroorat,

✖Murda Aurat ka moonh Gair mehram ko dikhana, najaa'iz he, dekhne or dikhane wale do no gunahgar honge,

✖ Qabr ki diwaro per Gulab ka ark or doosri khushbu chhidakna,

✖Murde per " Ahmad naama " rakhna,

✖ Qabr per Fool chadana, khushbu ka istemal karna, Agarbatti jalana, Qabr ke paas aag jalana,

 in chijo se murde ko koi faayda nahi, Tamaam rasme galat or na jaa'iz hai, shariyat me inki koi sanad nahi,

       Reference:
                         Aapke Masail aur
                                unka Hal-3.

     (pαʀт ⇨03)
            Nεxт тimε insнα αllααн

━═─────────────────═━

Mayyat ke ahkaam 1

⚀

⊙ PART -01 ⊙
▔▔▔▔▔▔▔▔▔▔▔▔

 Jo Bachcha Murda shuda paida ho uska naam bhi rakha jaye or Gusl bhi diya jaye, Albatta uska janaza nahi balke kapde me lapetkar Qabristan me dafan kar diya jaye.

Gusl ke paani me ber ke patte dalna sunnat he.

Gusl ke liye Murde ko takhta per litane ki 2 surate he↴.

1- Qibla ki taraf Per karke litana.

2- Qibla ki taraf moonh karke litana, jese Qabr me litate he or ye Surat behtar he.

Lekin sahuliyat ke etbaar se Do no me se Jo Surat akhtyar ki jaye jaa'iz he.

Mayyat ko jald se jald dafan karne ka hukm he, Rishtedaro ke intezar me Raat bhar Mayyat ko tikaye rakhna bahut buri baat he.

 Bivi ke marne ke baad Shohar se bivi ka nikah toot jata he.isliye shohar chehra to dekh sakta he lekin haath nahi laga sakta.

Agar Aurat ke mehram mojood ho to Lahad ( Qabr ) me unko hi utarna chahiye.

Mayyat ko gusl dete waqt agar murde ke zakhm per patti ho to usko uthakar gusl dena chahiye.

Jo shakhs mayyat ko gusl de us per Gusl wajib nahi hota, lekin mustahab he ke wo gusl kar le.

 Aurat ko mard or mard ko aurat gusl nahi de sakti.

 Agar esi Surat pesh aa jaye ke Aurat ko gusl dene wali koi Aurat na ho, ya mard ko gusl dene wala koi mard na ho to murde ko Ta'ayyum Kara diya jaye.

Agar mard ki koi mehram Aurat ya, Aurat ka koi mehram mard ho to wo Ta'ayyum karaye.

Agar mehram na ho to ajnabi shakhsh apne haath per kapda lapetkar Ta'ayyum karaye.

Mard ke liye Masnoon Kafan↴

☑ Badi Chadar - pone 3 gaz lambi or Sava ya Ded gaz chodi.

☑ Chhoti Chadar - 2-1/2(Dhayi) gaz lambi or sava ya Ded gaz chodi.

☑ Kafni ya Kurta - 2-1/2 (Dhayi) gaz lamba, or ek gaz choda,

Aurat Ka Masnoon Kafan↴

 Aurat ke Kafan me 2 kapde jyada hote hai,↴


☑ Seena Band -- 2 gaz lamba or sava gaz choda.

☑ 2-1/2( Dhayi ) gaz ya 1-1/2( Ded) gaz lambi Tehband nehlane ke liye,
or haatho ke dastane iske alawa hote hai.

 Kafan ke liye naya kapda kharidna zaroori nahi, dhule hue kapde ya chadar me bhi kafan diya ja sakta he.

 Kafan me sile hue kapde istemal karna khilafe sunnat he.

       Reference:
                         Aapke Masail aur
                                unka Hal.
                                     2.
     (pαʀт ⇨02)
            Nεxт тimε insнα αllααн

━═─────────────────═━

Qurane kareem ki azmat 3

⚀

    ▁▁▁▂▂▂▃▃▄▄⚀▄▄▃▃▂▂▂▁▁▁
       вɪѕмɪʟʟαнɪʀʀαнмαռɪʀʀαнɪм
              ▔▔▔▔▔▔▔▔▔▔▔▔▔▔▔▔

⚀Qบrααทe-Kαreem кï
▔▔▔▔▔▔▔▔▔▔▔▔▔▔▔▔▔
             αzmαт αบr บรкï Tïℓαพαт⚀
             ▔▔▔▔▔▔▔▔▔▔▔▔▔▔▔▔▔▔▔

⊙ PART -03 ⊙
▔▔▔▔▔▔▔▔▔▔▔▔

 Na-jayaz karobar ke liye or Buri jagah per Quran khwani ka har shareek gunahgar hoga, or muavja wali Quran khwani ka koi sawab nahi.

 Daftari Aukat ke waqt me agar kaam nipta kar faarig betha ho to tilawat me koi harj nahi or agar kaam me harj hota ho to jayaz nahi.

Qurane kareem yaad karke bhool jana bada sakht gunah he, or hadees me iska sakht wabaal aaya he, or jab bhool jane ke baad dobara pad liya or fir hamesha padta raha to Qurane Kareem bhoolne ka wabaal nahi hoga,

 Qurane Kareem haath se gir Jane per uske barabar Gandum khairat karne ka Jo masla awaam me mashhoor he, ye kisi kitaab se sabit nahi, is kotahi per tauba or astagfar karna chahiye or sadka khairat karne ka bhi mujayka nahi.

Qabr me murde ke saath qurane Kareem ya uska kuchh hissa rakhna be adabi or na-jayaz he.

Qurane kareem ko kisi Arabi ke alawa doosri zaban (language) me chhapna jayaz nahi, or ye uzr ke log Arbi nahi pad sakte fijool he, agar thodi si mehnat ki jaye to Aadmi Qurane Kareem seekh sakta he.

 Qurane Kareem ki aayat sharifa ki tasveer khitati haraam he or Qurane Kareem ki be adabi he, or Aayat ko is andaaz me likhna ke galat padi jaye jayaz nahi.

Aajkal internet ke jariye ye baat aam ho gayi he, Allah hifazat kare.

 Masjid me rakhe Qurane Kareem ke nuskhe agar jaroorat se jyada ho to kisi or masjid me ya madarsa me muntakil kar dena chahiye lekin ghar le Jana jayaz nahi.

       Reference:
                         Aapke Masail aur
                                unka Hal.
                                     3/234.

�� ALHAMDULILLAH Khatm hue.

━═─────────────────═━

Pages

Mayyat ke ahkaam 3

Mayyat ke ahkaam 2

Mayyat ke ahkaam 1

Qurane kareem ki azmat 3