⚀
▁▁▁▂▂▂▃▃▄▄⚀▄▄▃▃▂▂▂▁▁▁
вɪѕмɪʟʟαнɪʀʀαнмαռɪʀʀαнɪм
▔▔▔▔▔▔▔▔▔▔▔▔▔▔▔▔▔▔▔▔▔▔
⚀ VALENTINE'S DAY
YA NAPAK, NAJIS,
NA-JAYEZ AUR GHALEEZ
MUHABBATON KA DIN ⚀
▔▔▔▔▔▔▔▔▔▔▔▔▔▔▔▔▔▔▔▔▔▔
Quran ki Aayat-e-Kareema ka mafhoom hai - “Har ZANI mard aur aurat ko 100-100 durre (Hunter) lagao aur agar shadishuda ho to inhe sangsar (Pathar marna) karo”.
Hadees ka mafhoom hai - “Hashr ke maidan mein ZANI ki sharmgah uske chehre par latki hui hogi”.
Hadees ka mafhoom hai - “Jis qaum mein zinakari phailti hai usme qahet (bukhmari) aa jata hai”
Hadees ka mafhoom hai - “Zani jis waqt zina karta hai us waqt wo Islam se bahar hota hai”.
Ek Saal mein do din aise atey hain aur jinhe logo ne bahut ahem bana diya hai, jin dono dino mein duniya ka koi kona, koi khitta aisa nahi hota hai jo cheekh cheekh kar ALLAH ke azab ko dawat dene wala na ho aur sarapa gunaho se bhare ye do din, jinme ek 31st December ki wo kali hoti hai jisme sari duniya besharmi, behayai, ghalazat aur zalalat ki hade par kar jati hai aur ek ye din jo ane wala hai 14th February, ise yahood aur nasara ne pyar ka din kaha hai aur sabse zyada afsos ki bat ye hai ki in do behisab gunaho ko dawat dene wale dino se Musalman bhi choota hua nahi hai balki uske liye kya Quran, kya hadees, kya sunnat, kya Islam, kya DEEN bs us din sab kuch bhula kar, bs gande, ghinaune, ghaleez, najis yahoodiyo aur nasraniyo ke nakshe qadam par chal padta hai aur dono din ALLAH ke ahkamo aur Nabi SaLLaLLahu ALayhi WasaLLam ki sunnato ki wo dhajjiya udata hai ki soch kar bhi rooh kaanp jati hai.
Jis tarah gandigi mein rehne wale keedo ko sirf gandi se he rahat milti hai aur wo us gandigi mein itne khush hote hai ki agar unhe us gandigi se nikalo to shayd unki jaan he nikal jaye, Aaj ke naujawano ne bhi yahi haal bana rakha hai apna, ajeeb soch bana rakhi hai bs pade rehna hai usi gandigi mein, aur usi gandigi aur ghaleez jagah par reh kar khush hona hai aur aise he zindigi ghuzarni hai. Har naujawan masnoyi lazzato ki taraf bhag raha hai, napak aur najis jismo ko dekhne ke liye tadap raha hai, ladke ho ya ladkiya dhoondte rehte hain kahin se koi na-mehram dikh jaye aur wo ise dekh kar apni ghaleez nazro ko sukoon pahunchaye aur ALLAH ke azab ko dawat de. Mahino ke hisab se ladki ke ghar ke chakkar lagaye jate hain taki uski ek ghaleez nazar is par pad jaye, kahin raste par khade hokar intizar karta hai to kahin school aur coaching ke raste par khade hokar, aur us manhoos ladki par kharch karne liye ya to juwey aur sattey ka paisa lagata hai, ya apne walid ki jeb saf karta hai, aur har mumkin koshish karta hai ki kisi tarah ALLAH ki nafarmani aur Nabi SaLLaLLahu ALayhi WasaLLam ki taleemat ko ruswa kare.
Har koi chahta hai ek gf/bf zarur hona chahiye jiske sath jab ho sake munh kala karte rahe aur jab marzi aye tab dusra bana le aur bs har waqt yahi batein hoti rehti hain, aaj yahan tehlaya aur aaj wahan tehlaya, aaj yahan date par gaye aur aaj wahan date par gaye, aaj is restaurant mein munh kala kiya aur aaj us restaurant mein munh kala kiya. Bs isi ghalazat mein apni zindigiyan barbad kar rahe hain, aur fakhr se majliso aur mehfilo mein apni gandigi aur ghalazat ke qisse sunate hain, lekin inhe kya pata inhi najayez muhabbato ki wajah se kitni jaane chali gayi, kinti zindigiyan barbad ho gayi, aur na jane kitne ghar tabah ho gaye sirf isi napak muhabbat ki wajah se.
Koi ladka ye kyun nahi sochta ki agar uski shakal kisi ladki ko pasand aa sakti hai to phir uski bahen ko bhi koi shakal pasand aa sakti hai, kyun apni pak daman bahen ke gunaho ki wajah ban raha hai tu, tu dusre ki izzat se khelne mein apna waqt barbad karta hai aur koi tere ghar ki izzat ko tabah kar ke chala jata hai. Agar tu dusre ki bahen ka muhafiz hota to aaj teri bhi bahen ka koi muhafiz hota, tu agar kisi ki bahen ko ghalat nigaho se na dekhta to teri bhi bahen ko koi ghalat nigaho se na dekhta, tu kisi ki bahen ko ghalat karne rokta to koi teri bhi bahen ko koi ghalat karne mana karta. Lekin tujhe to apna waqt barbad karna hai, zehen barbad karna hai, apni jawani barbad karni hai, apni ankhe kharab karni hai aur ALLAH ke azzab ko dawat deni hai.
Aaj baht sare qisse sunne mein ate hain ki ek dost he dusre dost ki bahen ke sath ghoom raha hai aur apna munh kala kar raha hai. Tu apne dost ko dhokha de raha hai lekin tujhe ALLAH dekh raha hai. Apne chhote bhai aur bahen ko is napak muhabbat ko agey badhane mein istemal karta hai aur kal wahi bhai aur bahen bade hokar tere he nakhshe qadam par chal kar wahi ghaleez kam karte hain jo tu kar chuka hai. Agar yahi karna hai to phir jab tu kisi ko apni bahen ke sath dekhta hai to phir ladta kyun hai? Agar tu kisi ki bahen ko ghumata hai to koi teri bhi bahen ko ghuma sakta hai, to phir ladayi jhagda kyun karta hai? Kisi dusre ki bahen beti ko ghumate huey tujhe ghairat nahi ati to apni bahen beti ko dekh kar wo ghairat kyun jagti hai? Ye kaun si dohri soch hai, apni bahen ko 7 parde mein rakho aur dusre ki bahen ki izzat ko sare bazaar nilam karo. Bahut sare ladko ke pas aaj ye excuse hota hai ki sahab wo to ladkiyan beparda ghoomti isme hum kya kare nazar to padegi he, wo kyun beparda ghoomti hain. Main kehta hun agar sari musalman ladkiya parda bhi kar le to kya ghair muslim ladkiyan bhi parda karne lagengi? Ya unko zabardasti parde ka hukm doge, ki meri ankho ki hifazat nahi ho pa rahi hai lihaza tum log parda kiya karo? ye to un ankho ka qusoor hai, us gande zehen aur dil ka qusoor hai ki wo behayai dekhna chahti hain aur beparda jismo ki numaish ka lutf uthane ko betab rehti hain. To phir dosh ladkiyo ke zimme kyun dete ho, jabki Quran mein Musalman mardo se kaha gaya hai ki apni nazro ko niche rakho aur Nabi SAWW ne farmaya ki apni sharmgah ki hifazat karo.
Musalmano Kyun duniya ki ghalazat mein pade ho, mere rafeeqo, dekho aaj ummat ka kya haal hai, duniya ki tamam qaume humein safe hasti se mitane par ek jut ho chuki hain jiske gawah Palestine se lekar Afghanistan ban chuke hain, lekin hum aaj bhi in gnade aur ghaleez ishq mein pade hain, apni ankho ko ganda karte hain, apni soch ko ganda karte hain, apne dil ko ganda karte hain, apne jism apni taqat ko khokhla karte hain. Behayai aur behooda harkato aur baton mein apna qeemti waqt zaya karte hain.
Musalmano kyun Quran aur sunnat ki taraf nahi aate, kyun Nabi SaLLaLLahu ALayhi WasaLLam ki zindigi ko namoona nahi banate, kyun Quran ko nahi padhte agar tumne quran padha hota to kisi na-mehram par nigah padne par tumhari nazre jhuki hui hoti, ALLAH AZAWAJAL ke azaab ki yad ati. Kyun Nabi SaLLaLLahu ALayhi WasaLLam ki hadeese nahi padhte, Kyun Sahaba ke nakhshe qadam par nahi chalte, tum apni ankho mein Quran ki ayato ka noor bharo, Hadis ka ILM lekar use apne zehno mein basa lo, ALLAH har waqt dekh raha hai is bat ko dhyan mein rakho, Jab tum gande aur ghaleez jismo ko dekhte ho to mere Nabi SaLLaLLahu ALayhi WasaLLam ka dil dukhta hai, kya rakha hai in gande gande, ghaleez, badboodar jismo mein? Kab tak pet mein ghalazat lekar phirne waliyo ke phiche bhagte rahoge? Musalman tujhe to Jannat ki hooron ka shauq hona chahiye, jo har tarah se pak daman hongi, jinhe na kisi ne kabhi dekha hoga aur nahi kabhi chua hoga. Aur ek yahan ki ladkiya hain aaj iske sath to kal kisi aur ke sath, Nabi SaLLaLLahu ALayhi WasaLLam ke hatho se Hauz-e-Qausar ka pani nahi lena hai kya? Kya Nabi SaLLaLLahu ALayhi WasaLLam ko apni shakal nahi dikhani hai? Kya ALLAH Ta'ala se kalam nahi karna hai? Isiliye kehta hun DEEN ke ishq mein kho jao aur apni zindigi ko DEEN ke kamo mein lagao, DEEN ki majliso ko abad karo, Ulema se rabta qayem karo, Ulema se masail ko daryaft karo, aaj bht sare log hain jinhe puri tarah ghusl karna bhi nahi ata, apni zindigiyo aur apne amal ka jayeza lo, Nabi SaLLaLLahu ALayhi WasaLLam ki hadees hai “HASIBU QABLA ANTUHASABU” jiska mafhoom hai “Tumhara hisab ho usse pehle apna hisab khud kar lo”. Quran ki ayet hai “IQTARABA LINNASI HISABAHUM WAHUM FI GHAFLATIMMORIDHOON” jiska mafhoom hai “Hisab ka waqt anqareeb aur ye hain ki abhi ghaflat mein pade huey hain” ye ayet ALLAH Ta'ala ne 1400 sal pehle utari aur kaha ki hisab ka waqt qareeb hai to aaj 1400 sal abd ye waqt kitna nazdeeq hoga ye har koi khud andaza laga le.
Agar ishq aur muhabbat karna he hai to ALLAH se karo, uske ahkamo se karo, Nabi SaLLaLLahu ALayhi WasaLLam se karo, unki PAK SUNNATO se karo, unke Sahaba se karo, Ulema se karo, kyun ki yahi ishq hai jo qamyabi ki taraf le jane wala hai baqi sab fani aur kuch din ki ankho, zehno aur dilo ki aish parasti hai lekin akhirat mein behisab ghate ka sauda hai.
ALLAH Ta'ala hum tamam alam ke musalmano ko ek dusre ki behno ka muhafiz banaye aur is gande aur ghaleez kam se hamari hifazat farmaye… AMEEN.
┄─━━━━━━━▣▣▣━━━━━━━─┄
note↴↴↴
Waqt Nikal kar araam se
padhna mere bhai par
Padhna jarur.
━═─────────────────═━