⚀
вɪѕмɪʟʟααнɪʀʀαнмαռɪʀʀαнєєм
•–▤–●–▤▤–●–▤▤–●–▤▤–●–▤–•
︽︽︽︽︽︽︽︽︽︽︽︽︽︽︽
AAJ KE MUSALMAN
MEIN KISKI CHAHAT,
HUZOOR SALLALLAHU
ALAYHI VASALLAM KI
YA 'ANGREZO' KI?
︾︾︾︾︾︾︾︾︾︾︾︾︾︾︾
【 P A R T - 04 】
︸︸︸︸︸︸︸
KOI NABI APNI UMMAT KE LIYE ITNA NAHI ROYA JITNA PYARE AQA SALLALLAHU ALAYHI VASALLAM ROYE, KISI NABI KO ITNI AZIYATE NAHI DI GAYI JITNI PYARE AQA SALLALLAHU ALAYHI VASALLAM KO DI GAYI, PYARE NABI SALLALLAHU ALAYHI VASALLAM TO ITNA ROYE KI KHUD ALLAH KO KEHNA PAD GAYA KI “MERE MEHBOOB ITNA NA ROYA KAR KI TU KHUD HALAK HO JAYE, KI TERI APNI JAAN CHALI JAYE, MERE NABI KE RONE PAR KAMOBESH 100 SE ZAYED AYAT HAIN JISME ALLAH NE NABI SALLALLAHU ALAYHI VASALLAM KO DILASA DIYA KI MERE MEHBOOB ITNA NA ROYA KARO, KHUD KO HALAKAT MEIN NA DAL, KAHIN TERI APNI JAAN NA CHALI JAYE. IBRAHEEM A.S. NE KAHA THA “YA ALLAH JO MERI MANE WO MERA AUR JO MERI NA MANE US PAR TERI MARZI TU BAKSH DE YA AZAB DE”. ISA A.S. NE KAHA THA “YA ALLAH TU AZAB DE TERI MARZI, TU CHHOD DE TERI, TU JO CHAHE KAR YE TERE BANDE HAIN” MUSALMANO IN DONO NABIYO NE ALLAH KE UPAR APNI UMMATO KO CHHOD DIYA THA KI TU PAKAD KAR YA CHHOD DE, LEKIN MERE AUR TERE NABI NE SIRF YAHI KAHA AEY ALLAH MERI UMMAT KO MAAF KAR DE, YA ALLAH MERI UMMAT KO MAAF KAR DE” SIRF IN ALFZO KO KAH KAH KAR ITNA ROYE, ITNA ROYE HAIN KI JIBRAEL A.S. AA GAYE AUR PUCHTE HAIN YA RASOOLULLAH, ALLAH POOCH RAHE HAIN KI AAP KYUN ITNA RO RAHE HAIN. LEKIN AAJ KA BEHISS MUSALMAN US NABI SE ITNA DOOR HO GAYE JAISE KI WO HAMARE LIYE AAYE HE NAHI THEY.
AAJ KE MUSALMAN KO KHABAR HE NAHI KI WO KIS NABI KI NAFARMANI KAR RAHA HAI, AAJ YE BATEIN ISLIYE KAR RAHA HUN KI AAJ KE NAUJAWANO KO PATA CHALE KI WO KISKI NAFARMANI KAR RAHE HAIN, KISSE BEWAFAYI KAR RAHE HAIN, UNHE EHSAS HO KI WO KISKI SUNNATO KO PAMAL KAR RAHE HAIN, GANA SUNNE WALE JAB GANA SUNE TO UNHE PATA HO KI WO KISKO TAKLEEF PAHUNCHA RAHE HAIN, DARHI MOONDE WALE JAB APNI DARHI MEIN USTARA LAGWAYE TO UNHE PATA HO KI WO KISKE SEENE PAR USTARA CHALA RAHE HAI, ZANI JAB ZINA KARE TO USE PATA HO KI KISKI HAYA KO PAMAL KAR RAHA HAI, JHOOTH BOLNE WALA JAB JHOOTH BOLE TO USE PATA HO KI WO KISKI NAFARMANI KAR RAHA HAI, APNE WALIDAIN KI NAFARMANI KARNE WALA JAB APNE MAA BAAP PAR CHILLAYE, UNPAR JABAR AUR KARE AUR GHURRAYE TO USKO PATA HO KI WO KIS RASOOL KE AKHLAQ KO MUNH CHIDHA RAHE HAIN, SHADI SHUDA HOKAR BHI ZINA KE PICHE BHAGNE WALE KO PATA HO KI WO KISKE DEEN PAR DAGH LAGA RAHA HAI, KISKI HAYA KO PAMAL KAR RAHA HAI, SHARABI, JUWADI AUR ZANI AUR FAHASHI PHAILANE WALE KO PATA HO KI WO KIS NABI SE BAGHWAT KA AILAN KAR RAHA HAI. “AULA LAKA FA AULA, SUMMA AULA LAKA FA AULA”, AAJ JUWEY AUR SATTE KE LIYE, HARAM KAMAYI KE LUKMO KE LIYE ALLAH SE DUAYE MANGI JA RAHI HAI KI YA ALLAH MERA NUMBER LAGA DE, HAYE MERE BHAIYO ALLAH KE PAS HALAL KAMAYI KE KHAZANE HAIN USSE HALAL MANGO WO HALAL HE ITNA DEGA KI TUMHE HARAM KI ZAROORAT NAHI PADEGI INSHAALLAH. BS TUM KHUD KO USKE SUPURD KAR DO, TUM USKE DEEN KI KHDIMAT KARO TO ALLAH TUMAHRI DUNIYA AUR AKHIRAT DONO TUMHE AISE DEGA JAISE THALI MEIN RAKHKAR KISI KO KOI TOHFA DIYA JATA HAI.
ALLAH KE WASTE MERE BAHIYO RAB KO PAHCHANO, USKE NABI SALLALLAHU ALAYHI VASALLAM KO PAHCHANO, SIRF ZUBAN SE KALME KE IQRAR SE AGAR JANNAT MILTI TO SAHABA R.A.A. RATO KO APNI MUNAJAAT MEIN ROYA NAHI KARTE, HADHRAT ALI RAZIALLAHU TA'ALA ANHU KI HAR RAT KI APNI MUNAJAAT THI, KAUN ALI? WO ALI JINHE NABI SALLALLAHU ALAYHI VASALLAM NE HATH PAKAD KAR KAHA KI ALI JANNAT MEIN TERA GHAR MERE GHAR KE SAMNE HOGA, YE WO ALI HAIN JO KHULFA-E-RASHIDEEN MEIN (4) CHAUTHEY NUMBER PAR HAIN AUR ASHRA-E-MUBASHSHARAH MEIN BHI ATEY HAIN KI ALLAH KE NABI SALLALLAHU ALAYHI VASALLAM NE 10 SAHABA RAZIALLAHU TA'ALA ANHUM. KO JANNAT KI BASHARAT DI UNHE JANNAT KA CERTIFICATE DIYA, ITNA SAB KUCH MILNE KE BAD TO UNHE ARAM SE BAITHNA CHAHIYE THA, AUR JASHN MANANA CHAHIYE THA KI MERA KAM TO BAN GAYA, AB KAHE KI IBADAT LEKIN US SHERE KHUDA ALI R.A. KI HAR RAAT KI MUNAJAAT THI WO RO RO KAR KEHTE THEY, YA ALLAH MERI UMR BAHUT KAM HAI, AUR SAFAR BAHUT LAMBA HAI, YA ALLAH AGAR TUNE KARAM NA KIYA TO HAM HALAQ HO JAYENGE, HUMEIN JAHANNAM SE BACHA LE ALLAH, HUMEIN JAHANNAM SE BACHA LE. AUR PURI RAT SIRF ISI TARAH ROTE ROTE KAT JAYA KARTI THI. YAHI TO HAI JISSE ALLAH NE KHUSH HOKAR UNKE NAMO KE AGEY “RADHIAALLAHU ANHUM WA RADHU ANH” LAGA DIYA.
【Pαrт:➛05】
cσηтίηυє...
Nεxт тimε insнα αllααн.
━═─────────────────═━