WASEELA KA SUBOOT AHAADEES KI ROSHNI ME! Hazrat musa'b bin sa'd (rz) ki hadees me hai. RASOOLULLAH SALLALLAHU ALAIHI WASALLAM NE IRSHAAD FARMAAYA KE ALLAH TA'ALA KI JO NUSRAT IS UMMAT KE SAATH HAI WO USKE AAJIZON (KAMZORON) AUR UNKI DUA WA IKHLAAS HI KI BADAULAT HAI (TOH MAAL DAAR UNKE MOHTAAJ HUWE NA KE ISKA ULTA) (nasai, kitab ul jihaad: baab ul istinsaari bizza eef jild 2 safha 64) AUR BUKHAARI SHAREEF ME YE ALFAAZ HAIN KE''TUMHAARI JO NUSRAT KI JAATI HAI AUR TUM KO JO RIZQ MILTA HAI WO TUMHAARE AAJIZON KI BADAULAT HAI''. (saheeh bukaari, baabu manista'aana bizzua'faa jild 1 safha 405) FAYEDAH:. ye hadees do amr par dalaalat karti hai: (1) to aajizon (kamzoron) ki fazeelat par (2) Allah ke maqbool bandon se tawassul (tawassul bil a'yaan) ka suboot unki zaat se bhi aur unke zaaheri o baatini a'maal se bhi (tawassul bil a'amaal). Chunaanche is majmua par alfaaz''BIZUA'FAAIHA WA DA'WATIHIM WA IKHLAASIHIM''dalaalat karte hain (ya'ni ye ke aajizon aur unki dua o ikhlaas ki badaulat) lafz AAJIZ zaat par dalaalat karta hai aur DUA amal e zaahir par, aur IKHLAAS amal e baatin par. 2) Hazrat usmaan hunaif se riwaayet hai ke ek naa beena shakhs huzoor salllahu alaihi wasallam ki khidmat me haazir huwa aur arz kiya ke dua kijiye ke Allah ta'ala mujh ko aafiyet de. Aap ne usko hukm diya ke wuzu kare aur achhi tarah wuzu kare aur do raka't padhe aur ye dua kare.''AI ALLAH! MAIN AAP SE DARKHWAAST KARTA HUN AUR AAP KI TARAF MUTAWAJJAH HOTA HUN MUHAMMAD (SALLALLAHU ALAIHI WASALLAM) KE WASEELA SE''(sunan ibne maajah, baab salaat ul haajah safha 100) FAAYEDAH: IS hadees se saraahatan waseela (tawassul bil a'yaan) saabit hai. GHAIR NABI KE SAATH BHI TAWASSUL JAAYEZ HAI:. Hazrat anas (rz) ki riwaayet hai ke jab logon par qahat hota tha to hazrat umar (rz) hazrat abbaas bin abdul mutaalib se baarish ki dua karaate aur farmaate ke''AI ALLAH! HAM AAPKE DARBAAR ME APNE NABI SALLALLAHU ALAIHI WASALLAM KA TAWASSUL KIYA KARTE THE, AAP HAM KO BAARISH DETE THE AUR AB HAM AAPKE DARBAAR ME APNE PAIGHAMBAR KE CHACHA KA TAWASSUL KARTE HAIN. SO HAM KO BAARISH DIJIYE. CHUNAANCHE BAARISH HUWI THI. (saheeh bukhari, baabu suwaalin naasil imaamal istisqaa'a izaa qahitoo jild 1 safha 137)FAAYEDAH:. IS hadees se ghair nabi ke sath bhi tawassul jaayez nikla jabke usko nabi se koi ta'lluq ho, quraabat e hissiya ka (yani rishtah daari ka ) ya quraabat e ma'nawiyyah ka. To tawassul binnabi ki ek soorat ye bhi nikl.Aur ahle fahem ne kahaa hai ke hazrat umar (rz) ne hazrat abbaas (rz) se tawassul isliye kiya (taake log samjh len) ke ghair nabi ke sath bhi tawassul jaayez hai. Isliye nahi kiya tha ke paighambar sallallahu alaihi wasallam ke saath wafaat ke ba'd tawassul jaayez na tha. Woh to wafaat ke ba'd bhi jaayez tha lekin log ye samajh len ke ghair nabi ke sath bhi tawassul jaayez hai. (nabi ka tawassul uski wafaat ke ba'd bhi jaayez hai isliye ke saraahatan hadees me maujood hai). Aur chunki is tawassul par (ghair nabi ke tawassul par) kisi sahaaba se nakeer manqool nahi isliye is me ijma ke ma'na aa gaye.HUZOOR SALLALLAHU ALAIHI WASALLAM KI WAFAAT KE BA'D TAWASSUL KARNE KA SUBOOT:.ANJAAH UL HAAJAT ME kaha hai ke tabraani ne kabeer me usmaan bin hunaif (rz) se riwaayet hai ke ek shakhs hazrat usmaan bin affaan (rz) ke paas kisi kaam ko jaaya karta tha aur woh uski taraf iltifaat na farmaate. Usne usmaan bin hunaif se kaha ke unhone farmaaya ke tu wuzu kar aur do raka't padh aur ye dua kar ke ''AI ALLAH MAI AAP SE MUHAMMAD SALLALLAHU ALAIHI WASALLAM NABI E REHMAT KE WASEELA SE DARKHWAAST KARTA HUN AUR AAP KI TARAF MUTAWAJJAH HOTA HUN. MAI MUHAMMAD SALLALLAHU ALAIHI WASALLAM KE WASEELA SE APNI IS HAAJAT ME APNE RAB KI TARAF MUTAWAJJAH HUWA HUN TAAKE PURI HO JAAYE'' chunaanche usne yahi kiyya, aur hazrat usmaan (rz) ke paas phir gaya to unhone badi ta'zeem wa takreem ki aur kaam pura kardiya. Behaqi ne isko do tareeq se bayaan kiya hai. (tabraani fil kabeer, behaqi bahwaala anjaah ul haajah)FAAYEDAH:. IS se wafaat ke ba'd bhi tawassul saabit huwa. Aur suboot birriwaayet ke alaawa diraayetan bhi saabit hai kyunki upar jo tawassul bayaan kiya gaya hai woh dono haalaton me mushtarak hai.TAWASSUL KA BIL FA'L SUBOOT:.Abul joza se riwaayet hai ke madeenah me sakht qahet huwa, logo ne hazrat aayisha (rz) se shikaayet ki. Aap ne farmaaya ke nabi kareem sallallahu alaihi wasallam ki qabr mubaarak ko dekh kar uske muqaabil aasmaan ki taraf usme suraakh kardo, yahaan tak ke uske aur aasmaan ke darmiyaan hijaab na rahe chunaanche aisa hi kiya, to bahot zor ki baarish huwi. (riwaayet kiya isko daarmi ne, kazaa fee khairil mawaiz baab ul karaamaat)FAAYEDAH:. Upar tawassul bil qaul saabit huwa tha, is se tawassul bil fa'l bhi jaayez saabit huwa. Iske ma'na bhi ba zabaan e haal ye the ke ye aapke nabi ki qabr hai jis ko ham talabbus jasd e nabwi ki wajah se mutabarrak samajhte hain aur nabi ki malaabis cheez ko mutabarrak samjhna nabi ke etqaad wa azmat ki alaamat aur mujib e rehmat hai pas ham par raham farmaaiye.Tafseel ke liye mulaahaza ho ''AHKAAMUD DUA WAL WSEELA'' az ifaadaat e hakeem ul ummat. Murattib mufti mohammad zaid mazaahri nadwi)