Bismihi Ta'aaLa
<><><><><><><><>
DARS-E-HADEETH
➖=➖=➖=➖=➖=➖•➖
LAGHWA BAAT JANNAT SE MAHROOMI KA ZAREEA BAN SAKTI HAI
•=•=•=•==•=•=•=•=•=•=•=•=•=•
Hz. Anas Rz.Anhu se riwaayat hai ke ek shakhs ki wafaat ho gaee, to dusre ne kaha ke uske Liye jannat ki khushkhbree hai, uski baat sunkar Aap SaLLaLLahu ALayhi WasaLLam ne farmaya ke tum use jannat ki khushkhbree de rahe ho, hosakta he ke usne koi Layanee baat ki ho, ya kisi aisi cheez ke kharch karne mai bukhL kiya ho jo kharch karne se kam nahie hoti.
📗 Tirmizee, Bab-uz-zuhd-2316.
Is hadeeth mai Laghwa baat aur bukhL ko dukhooLe jannat se rukawat qaraar dia hai............aaj ham Layanee baat ko koi gunah samajhte hi nahie, har khaso aam is gunah mai mubtiLa hai.
ALLaah Ta'aaLa har musLman ko Laghwiyyat se bachne ki taufeeq ataa farmaye, Aameen.
•=•=•=•=•=•=•=•=•=•=•=•=•=•=•
HANSAANE KE LIYE LAGHWA BAAT KARNA
•=•=•=•=•=•=•=•=•=•=•=•=•=•=•
Ek hadeeth mai hai ke aap SaLLaLLahu ALayhi WasaLLam ne farmaya :
Basaauqaat aadmi Logon ko hansane ki niyyat se koi Laghwa baat keh detaa hai, wo uski wajah se itna jahannam ke neeche chaLa jaata hai jitna zameen aur aasman ke darmiyaan fasLa hai.
📗 Shu'abuL Imaan-4/213.
Ek aur hadeeth mai hai ke aap SaLLaLLahu ALayhi WasaLLam ne farmaya :
Basaauqaat aadmi ek baat kehne ki wajah se 70 khandaqen jahannam mai gira dia jataa hai.
📗 Nasaai, Kitaab-uz-zuhd.
Aaj har mehfiL mai tamaskhur aur mazaaq karna mehfiL ki zeenat ban gayaa hai, kabhi to majLis ko hansane ya garmane ke Leye kisi ki izzat ki dhajjiyan udaai jaati hai to kabhi kisi gaaib ki topi uchhaaL kar nafs aur shaitaan ko khoosh kiya jataa hai, haaLanke aisi mazhaka khej baaton se aadmi jahannam ke azaab khareed raha hotaa hai,
ALLaah Ta'aaLa hamari majLison ko aisi mazhaka khez baaton se paak saaf farmaye, aameen.