⚫⚪⚫
❂━═┃ BISMIHI TA'ALA ┃━═❂
➤➤●╖
AAJ KA MUSALMAN AUR QAUM-E-LOOT …
▤○▤○▤○▤○▤○▤○▤○▤
◍◌◍◌➤╕
ALLAH SWT ne ek aise Deen ko insano ko diya jo Deen-E-Fitrat kahlata hai aur ise ek aise Nabi par nazil kiya jiski sadaqat ki qasme is Deen ke ane se pahle bhi khayi jati thi yani Muhammad Sallallahu alaihi wasallam par nazil farmaya, jab ye Deen Nabi Sallallahu alaihi wasallam ko ghar-e-hira mein mila us waqt se lekar aaj 1400 saal ke bad bhi ye deen isi tarah baqi hai jis tarah iska nuzool hua tha aur tamam ahkam iske aaj bhi wahi hain jo kal hua karte they. Ye Deen-e-Muhammadi, Deen-e-islam, insan ki fitrat ke mutabiq hai kyunki insan ko ALLAH ne banaya hai aur sirf wo zaat he behtar janti hai ki Insan ke liye kya sahi hai aur kya ghalat hai, isliye usne Quran jaisi azeem kitab insaniyat ki falah ke liye utari aur isme tamam ahkamat ek fitrat ke mutabiq utare. Insan ko sari zindigi jo kuch bhi karna chahiye wo is Quran aur Nabi Sallallahu alaihi wasallam ki mubarak ahadees mein maujood hain. Iske barakas Shaitan iblees ne kuch sharpasand, jihalat aur ghalazat ke alambardaro ko apna musheer banaya hua hai, jo ye nahi chahte hain ki Insan fitrat ke mutabiq apni zindigi ghuzare, isiliye waqtan fawaqtan ye Euorpe ke zaleel aur khinzeer sifat log kuch na kuch naya zaroor dete hain insano ko, jise insan bht acha samjhta hai lekin dar haqeeqat agar koi kam, tahzeeb, tamaddun ya koi tareeka Quran ki khilaf warzi karta hai to uska nuksandeh hona tay shuda bat hai.
◍◌◍◌➤╕
Jis tarah Quran mein ALLAH SWT ne farmaya ki maine har daur mein ek kitab aur har daur mein ek Nabi bheja taki wo insano ko rah-e-hidayat par laye aur seedhi sachi rah par chalate huey ALLAH se qurbat aur shaitanat se nafarat karne wala banaye lekin jis tarah har insan yaksa nahi hota isi tarah Nabiyo ke sath bhi hua, kuch logo ne unki bat ko man liya lekin kuch ne inkar kar diya aur inkar he nahi balki Nabiyo ki khuli hui mukhalifat par utar aye aur Nabiyo ko challenge tak kar diya ki agar tum sache ho to apne ALLAH se kaho hum par azaab nazil kar de. Tamam nabiyo ke sath ye masla pesh aya ki unhone pahle dawat di, jab ALLAH ne unhe hijrat ka hukm diya to jitney log Nabiyo ke sath ho liye unhe chhodkar, un shar pasand logo par ALLAH ne apna azaab nazil kiya, jiski misale, Qaum-e-Nooh, Qaum-e-Shoeb, Qaum-e-Loot, Qaum-e-Samood aur bhi kayi sare kayi sari qaume hui jin par ALLAH ne azab nazil kiya aur wo usi mein halak ho gaye.
◍◌◍◌➤╕
Jis tarah ALLAH SWT ne kamobesh 1,24,000 Ambiya A.S.S. ko is zameen par bheja, taki wo nasl-e-adam ko jeene ka tareeka sikhaye isi tarah Hadhrat Loot A.S. jis zamana mein aye us zamane ke logo ko Quam-e-Loot kaha jata hai. Jis tarah har Nabi ne tauheed ki dawat di usi tarah Hadhrat Loot A.S. ne bhi tauheed ki dawat di, zindigi jeene ka tareeka bataya aur sikhaya lekin usmein kuch behaya, besharam aur ghaleez sifat log bhi they jinhone Hadhrat Loot A.S. ki bat ko manna to door ki bat hai, tauheed ke age sar-e-tasleem kham kar dena to door ki bat hai balki unhone ne apne amal mein ek gandigi shuru kar di aur wo gandigi hum-jinsiyat ki thi, wo log mardo mardo mein talluqat ke shaukqeen ho gaye, aurto aurto mein talluqat ke hami ho gaye aur use riwaj dene lage, 2 mard apas mein shadi karte hain aur jismani talluqat banate aisi ghaleez aur khabees harkate karne lage jise jankar Hadhrat Loot A.S. ne unhe ajizana taur par samjhane koshish ki “Aey meri qaum ye ek bad fail hai, khud ko is badfail par na lagao, ye insani fitrat ke khilaf hai ALLAH SWT ne jismani khawahishat ko poora karne ke liye do alag alag jins banaye hain, mard ko aurat ke liye aur aurat ko mard ke liye banaya hai, tumne ye jo mard ko mard ke liye kar diya hai ye ek ghaleez aur ganda, wa ALLAH ke azab ko dawat dene wala amal hai, Aey meri qaum is bad fail se baaz aa jao, aisa na ho ki tum par ALLAH apna azab nazil kar de” lekin un logo ne is bat par dhyan na diya aur is gande aur ghinaune fail mein mulawwis hote chale rahe. Isi ke nateeje mein ALLAH ne unhe ek azab mein mubtila farma diya, jise ALLAH SWT ne Quran ki ayat bana diya, un logo par farishta musallat karke unke rehne ki zameen ko pahle bahut upar tak uthaya aur phir palat kar niche patakh diya aur un sabhi ko halaq wa barbad kar diya. Ye jagah aaj bhi (Urdan) aaj ka Jordan mein hai jahan par pani he pani bhara hai jiski badboo aaj bhi nahi gayi aur wahan ki zameen aaj bhi banjar hai. (Upar photo mein wahi jagah hai jahan par Qaum-e-Loot ko ALLAH ne azab mein mubtila kiya tha)
○━═━●━═━○━═━●━═━○━═━●
ALLAH se dua kare ki ALLAH humein aisi ghaleez bimari se bachaye aur hum Ahle Tauheed ko khilafat ke qiyam ki mehnat mein lagaye aur alam-e-kufr ke khilaf hamare maal aur hamari jaan qubool farmaye… AAMEEN
○━═━●━═━○━═━●━═━○━═━●
✪➤➽╕
Isi Qaum-e-Loot se mutassir hokar aaj maghribi tahzeeb mein hum-jinsiyat yani mard ki mard se shadi aur aurat ki aurat se shadi ko kanoonan sahi qarar de diya gaya hai, jab zameen par ALLAH ke kanoon se faisle nahi honge to aise he kanoon wajood mein ayenge, jinse insaniyat bhi sharmasar hogi aur ALLAH ka qaher nazil hoga, ye tamam badfail zina mein dakhil hain aur inki saza bhi wahi hai jo zina ki saza hai, in ki sazao mein kuch ka kahna hai ki “Aise mardo aur aurto ko pahad par dhakka dekar mar diya jaye”, kuch ne kaha hai ki inhe “Jaan se mar diya jaye” yani wajibul qatal hain. Aaj ye bat Kahte huey dil larazta hai, zaban ladkhada jati hai, hath pair mein ek kanpkapi si tari ho jati hai ki musalmano ke muashra mein bhi ye ghaleez, gande, ghinaune, khabees sifat aur ALLAH ke azab ko dawat dene wale amal aa gaye hain, kuch ladke ladko ke sath reh rahe hain aur kuch ladkiya ladkiyo ke sath reh rahi hain, aur is tarah se reh rahe hain jaise unki shadi ho chuki ho ya girlfriend boyfirned banke reh rahe hain, jismani talluqat qayem kar rahe hain aur sarapa ghalazat aur jihalat ke shahkar bane huey hain. ALLAH ki qasam khakar kahta hun ki ye badfail aur khabees sifaat to janwaro mein bhi nahi hai, Bandar ho, kutta ho, suwar ho ya duniya ka kaisa he ghaleez janwar ho lekin usme ye bimari aur ghalazat nahi dikhegi lekin insan ne apne aap ko itna ghatiya aur apne aap ko itna zyada ghaleez sifat bana diya ki wo aaj aise aise badfail mein mubtila ho raha hai jinhe dekh kar kutte aur suwar bhi sharma jaye. Suwar ke bare mein ata hai ye janwar tamam janwaro mein sabse zyada besahram aur behaya hai lekin usme bhi ye sifat nahi hai ki wo hum-jinsiyat kare.
✪➤➽╕
Ab aap khud andaza laga sakte hain ki ye ek aisi ghaleez aur ghinauni harkat hai ki insan kutte aur suwar se bhi zyada ghatiya aur zaleel ho jata hai. Aise besharm aur behaya harkato mein jo ladke aur ladkiya mulawwis hai unhe ye sochna chahiye ki wo kya kar rahe hain aur iska asar sirf unki apni zaat par nahi, sirf unke apne amal par nahi balki wo ALLAH ke azab ke nuzool ka zariya ban rahe hain. Ye tamam gande aur badfail waqti lutf ka sabab bante hain lekin jahannam ki aag ko aur shaheed bhadka dete hain lihaza aise ladke aur ladkiyo ko ALLAH se ro-ro kar taubah karni chahiye aur apne is gande gunah par nadim hona chahiye aur aisi gandigi par thook kar apni zindigi ko Islami tehzeeb aur tamaddun ka gehwara banana chahiye, khud ko ALLAH ke supurd kar de aur Jannat ki nemato ke liye apne aap ko waqf kar de. ALLAH humein aise gande, besharam, behaya, ghaleez aur khabees sifat badfailo se bachaye aur humein DEEN-E-MATEEN DEEN-E-ISLAM ke liye qubool farmaye… AMEEN. YA RABBAL ALAMEEN.
○━═━●━═━○━═━●━═━○━═━●
ALLAH se dua kare ki ALLAH humein aisi ghaleez bimari se bachaye aur hum Ahle Tauheed ko khilafat ke qiyam ki mehnat mein lagaye aur alam-e-kufr ke khilaf hamare maal aur hamari jaan qubool farmaye… AAMEEN.
○━═━●━═━○━═━●━═━○━═━●
➤➤●╖
________IKHTATAAM ALHUMDULILLAH
➻═┐
╒═════◑•✧•◐═════╕
★JAZAKALLAHU ★
╘═════◑•✧ •◐═════╛