⚀
▁▁▁▁▂▂▃▃▄▄︻▄▄▃▃▂▂▁▁▁▁
вιѕмιʟʟαнιʀʀαнмαηιʀʀαнєєм
▔▔▔▔▔▔▔▔▔▔▔▔▔▔▔
⚀ Mบнαrrα๓ ⚀
▔▔▔▔▔▔▔▔▔▔▔▔▔▔
⊙ PART -11 ⊙
▔▔▔▔▔▔▔▔▔▔▔▔
🌠Nawasa-e-Rasool SaLLaLLahu ALayhi WasaLLam sayyidina hazrat Husain RaziAllahu Ta'ala anhu ke fazail-o-manaqib🌠
Hazrat Husain RaziAllahu Ta'ala anhu ki fazilat ke liye nawasa-e-rasool hone ki nisbat hee bahot badi he,neez aan hazrat SaLLaLLahu ALayhi WasaLLam ke kai irshadat se aap ki qadr-o-manzilat malum hoti he.
🔆Chand ahadees ye he:🔆
🌐 Aan hazrat SaLLaLLahu ALayhi WasaLLam ka irshad-e-Mubarak he:
hasan aur Husain mere bete he jisne In dono se muhabbat ki usne mujse muhabbat ki aur jisne mujse muhabbat ki ALLAH muhabbat karega, aur jisse ALLAH muhabbat karta he use jannat me dakhil karega.
📘mustadrak hakim, jild-3,
📃page no.181.
🌐 Hazrat abu saeed khudri RaziAllahu Ta'ala anhu se riwayat he ke an hazrat SaLLaLLahu ALayhi WasaLLam ne farmaya:
hasan aur Husain jannati nojawano ke sardar he.
📘jamiut tirmizi: jild-2,
📃page no.217, baab manaqibul Hasan wal Husain.
🌐 Hazrat abu hurairah RaziAllahu Ta'ala anhu se riwayat he ke ek martaba huzoor SaLLaLLahu ALayhi WasaLLam Hamare pas tasreef laye aur aap ke sath hazrat Hasan aur hazrat Husain RaziAllahu Ta'ala anhuma dono the. Ek ek kandhe par sawar the aur dusra dusre kandhe par, aur aap SaLLaLLahu ALayhi WasaLLam ek dafa ek ka bosa lete aur dusri dafa dusre ka bosa lete.
📘musnade ahmad: jild-2,
📃page no.400, raqam-9671.
🌐 Hazrat abu hurairah RaziAllahu Ta'ala anhu ke bare me marwi he ke sayyidina hazrat Husain RaziAllahu Ta'ala anhu kisi janaze par gaye to hazrat abu hurairah RaziAllahu Ta'ala anhu bhi unke sath the, wapasi par hazrat Husain RaziAllahu Ta'ala anhu ko kuchh thakawat mahsoos hui to istirahat farmane lage,jab aap RaziAllahu Ta'ala anhu lete tu abu hurairah RaziAllahu Ta'ala anhu apke qadmo se raste ka gubar hatane lage. Sayyidina hazrat Husain ko ese buzurg sahabi ka ye kaam karte nadamat hui isliye farmaya aap kyun kar rahe he? Hazrat abuhurairah RaziAllahu Ta'ala anhu ne farmaya, aap is baat ko chhodiye aur muje apna kaam karne dijiye, bakhuda apki jo fazeelat muje maloom he agar dusro ko maloom ho jaye to wo apko kandho aur gardano par uthaye.
📘ser-e-aalamun nablaa liz zahbi: jild-3,
📃page no.193.
🌐 Ek riwayat me he ke ek martaba sayyidina Abdullah ibne Abbas RaziAllahu Ta'ala anhu ne jo ke umar aur digar ausaf me sayyidina Husain RaziAllahu Ta'ala anhu se barh kar the, sayiidina Husain RaziAllahu Ta'ala anhu ko bade ehteram ke sath sawari par sawar karaya, rawiye hadees ne itna ehteram karte dekha to ye puchha ke ye kon he?
Farmaya : ke ye rasool SaLLaLLahu ALayhi WasaLLam ke nawase hazrat Husain RaziAllahu Ta'ala anhu he aur ye muj par ALLAH ka bahot bada ehsan huwa ke mene unko is ehteram ke sath sawar karaya he.
📘mukhtasar tareekh ibne asakir: jild-7,
📃page no.128.
(pαʀт ⇨ )
Nεxт тimε insнα αllααн
━═─────────────────═━