⚀
▁▁▁▁▂▂▃▃▄▄︻▄▄▃▃▂▂▁▁▁▁
вιѕмιʟʟαнιʀʀαнмαηιʀʀαнєєм
▔▔▔▔▔▔▔▔▔▔▔▔▔▔▔
⚀ Mบнαrrα๓ ⚀
▔▔▔▔▔▔▔▔▔▔▔▔▔▔
⊙ PART -13 ⊙
▔▔▔▔▔▔▔▔▔▔▔▔
Bil akhir aap bahot taweel masafat tey karke 2 Muharram hijri sane 60 me Karbala me pahunch gaye.
Idhar ibne Ziyaad ne umar bin saad ko ek lashkar ka sipeh salar bana kar medane jang ki taraf rawana kiya.
Jab uski aap RaziAllahu Ta'ala anhu se mulaqat hui to amad-e-maqsad puchha, to hazrat Husain RaziAllahu Ta'ala anhu ne Umar bin saad ke samne ek peshkash ki ke!!
aap log meri taraf se in 3 cheezo me se 1 cheez ko ikhtiyar karle
🔆1.Ya to me islam ki sarhado me se kisi sarhad ki taraf jana chahta hu muje jane diya jae, take vah khozah islam ki hifazat kar saku.
🔆2. Ya me madeenah munawwarh ki taraf chala jaun, muje wapas jane diya jae.
🔆3. Muje moqa diya jae ke me Yazeed se is muamle me bilmushafah baat kar saku.
📘Ⓕawaide nafiah. Jild-2,
📃page no.223
Umar bin saad ne is baat ko qabul kiya aur ibne Ziyaad ko ye peshkash likh bheji, jiske nateeje me ibne Ziyaad ne hukam bheja ke me sirf 1 baat qabool karta hu ke Husain ibne Ali RaziAllahu Ta'ala anhu apne pure lashkar ke sath hamari itaat karle.
📘Ⓕawaid e nafiah: jild-2.
📃Page no.223.
Hazrat Husain RaziAllahu Ta'ala anhu ko jab is baat ki khabar hui to apne muttabieen ko nihayat pur josh andaz me khutba diya, tamam rufaqa ne wafadari ka bharpur yaqeen dilaya.
Raat tamam hazrat ne apne rabb ke huzoor aah-o-zari karte huve guzar di.
Dushman ke musallah sawar sari raat khemo ke gird ghumte rahe. Akhir 10 muharram ko fajar ki namaz ke baad Hazrat Husain RaziAllahu Ta'ala anhu ne apne ashaab ki safe qaim ki jinki kul taadad 72 thi.
Maidan-e-karbala me Umar ibne saad apne lashkar ke sath hamla awar huva, is tarah baqaida ladai shuru ho gai. Dono taraf se halakate aur shahadate hoti rahi, akir kar dagabazo ka lashkar havi huva.
Nateeja Hazrat Husain RaziAllahu Ta'ala anhu ka khema jala diya gaya. Dushmano ne intihai safaki aur bedardi se masoom bachcho ko bhi khoon se nehlane se dareg na kiya. Chashme falak ne ye manzar bhi dekha jab zuraah bin shareek ne Nawasa-e-Rasool ke baye kandhe par talwar ka war kiya, kamzori se pichhe ki taraf hate to sanaan bin abi amar bin anas nakhee ne neza mara jisse aap niche gir pade, phir age barh kar usne khatune jannat ke nor-e-nazar ko zabah kar diya, sar tan se juda kar diya. Is khoon rez marikah me hazrat Husain RaziAllahu Ta'ala anhu ke 72 sathi shaheed aur koofiyo ke 88 admi qatal huve.
Zulm ba'la-e-zu'lm ye ke hazrat HusainRaziAllahu Ta'ala anhu ka sar kat kar ibne ziyaad ke darbar me pesh kiya gaya to usne intihai gustakhi karke chhadi ke zariye nawasa-e-rasool ke honto ko chhed kar jasade khaki ki toheen ki aur yazeed ko likh bheja ke mene Husain ka sar qalam kar diya he.
📘Al bidayah wan nihayah: jild-4,
📃page no.574 to 602 malakhsan.
📘Tareekh ibne khaldoon: jild-2,
📃page no. 529 to 548
10vi muharram ke dhalte suraj ne insaniyat ki tareekh ka ye dardnak waqia dekha jisko khun ki rangeen dharti ne apne seene par hamesh ke liye naqsh kar diya. Nojawanan-e-jannat ke sardar aur khan-e-nabuwat ke chashm o chirag ne apne khoon se shajar-e-islam ko serab kar ke anmit dastan-e-raqam ki jo ane wali naslo ke liye masha le raah he.
(pαʀт ⇨ )
Nεxт тimε insнα αllααн
━═─────────────────═━